Global Publishers Tanzania- Uwazi » Articles for 04.07.2009

[center]Chuo maarufu cha kozi za ufundi wa kompyuta, graphics designing, utalii n.k, cha Desktop Computer Technology, leo kimezinduliwa rasmi kikijulikana kwa jina jipya la Zoom Polytechinic ambapo makao makuu yake sasa yatakuwa Magomeni Usalama, jijini Dar es salaam. Zamani kilikuwa na maskani yake kule KAMATA eneo la gerezani.


Mkurugenzi wa Chuo cha Zoom Polytechinic Bw. Gadius S. Shija (kushoto) akimuonyesha baadhi ya madarasa ya chuo hicho Makamau Mkuu wa Chuo Kikuu Huria Tanzania (OUT) Profesa Tory Mbwete, kabla ya uzinduzi wa chuo hicho uliofanyika chuoni hapo mapema Jumamosi


Profesa Mbwete akiwasisitizia wanafunzi wa chuo hicho kujitutumua kimasomo ili waweze kufika na kuonyesha uwezo wa hadi katika Chuo Kikuu cha Mlimani.


Hizi ni moja ya madarasa likiwa imesheheni Kompyuta za kujifundishia wanafunzi , kila darasa litakuwa na zaidi ya Kompyuta hamsini na tayari Chuo kina zaidi ya kompyuta 120.

Tatizo la mifugo kuzurura mitaani katika jiji la Dar es salaam, bado linaendelea na limekuwa sugu, kama g'ombe hawa walivyokutwa wakiranda pembezoni mwa Barabara ya Mandela maeneo ya kituo cha mafuta cha MT MERU huki wakionekana hawana msimamizi. City Fathers mko wapi?
PICHA ZOTE NA ISMAIL MANG’OLA / GPL.

Chuo cha Usimamizi wa fedha cha IFM cha jijini Dar, kimeibuka kidedea katika Shindano la kumsaka mlimbwende wa Vyuo Vikuu nchini, Miss Higher Learning, baada ya Mwanafunzi wa chuo hicho, Betrice Lukindo, kutwaa taji hilo usiku wa kuamkia leo.
Wakati Betrice akibatizwa umalkia wa Vyuo Vikuu nchini, Linda Mzinga kutoka Chuo cha Ustawi wa Jamii, Kijitonyama amechukua nafasi ya pili na Doris Donatus kutoka Dar es Salaam Institute of Technology (DIT) akiibuka mshindi wa tatu.
Kwa ushindi huo, Magreth amepata tiketi ya moja kwa moja ya kujiunga na Kambi ya Miss Tanzania msimu huu, tayari kwa kuwania taji la Miss Tanzania, 2009/10.
Shindano hilo lilifanyika ndani ya viunga vya Karimjee katikati ya jiji la Dar es Salaam, lililosababishwa kwa udhamini mkubwa wa Mtandao wa simu za mkononi wa Vodacom, Global Publishers Ltd, Clouds FM, Ndege Insuarance, kinywaji cha Overmeer na wadhamini wengine kibao.


Miss Vodacom Higher Learning 2009/10, Betrice Lukindo (katikati) akiwa katika picha ya pozi na mshindi wa pili, Linda Mzinga (kulia) na kushoto ni Doris Donatus, mshindi wa tatu.


Hii ndiyo ilikuwa Top 5.


Majaji, kutoka kushoto ni Miss Tanzania mwaka juzi , Jokate Mwegelo, Mwenyekiti wa Kamati ya Miss Tanzania, Hashimu Lundenga ‘Anko’ na Miss Tz mwaka jana, Nasreen Mohamed, wakiwa makini kutazama warembo (hawapo pichani).


Warembo wakicheza staili ya Mugongo Mugongo jukwaani baada ya kupanda kwa mara ya kwanza.


Kundi la sanaa la International Youth Ferowship, likikonga nyoyo za wadau wa urembo kwa ngoma ya kichina kabla ya mrembo kutangazwa.


Wanenguaji wa bendi ya muziki wa dansi ya African Stars ‘Twanga Pepeta’ wakivamia jukwaa wakati wa shindano hilo.


Nani amesema wanenguaji siyo masister Duu? Hawa mamiss ila ni wanenguaji wa Twanga wakiwa chobingo wakijipodoa kwa ‘Mapouda’


Staa wa Kundi la ucheshi la Orijino Komed ‘Masanja Mkandamizaji” akiinama kukwepa kamera baada ya kubambwa ukumbini hapo akishuhudia mchuano mkali wa walimbwende hao.
PICHA:CHRISTOPHER LISSA/GPL

Usiku wa kuamkia leo mkongwe wa muziki kutoka Jamhuri ya Kidemokrasia ya Kongo (DRC), Mbili Abel alifanya makamuzi ya kufa mtu katika onesho lililofanyika Ukumbi wa Police Oficers Mess Oysterbay, jijini Dar es Salaam. Katika onesho hilo mwanamuziki huyo alisindikizwa na ‘Wazee Sugu’ The Akapitale Band chini ya mkongwe, Kikumbi Mwanza Mpango 'King Kikii'


Mbili Abel akifanya majambozi jukwaani


Hapa akiserebuka na wacheza shoo wake


Mashabiki wakichizika na vibao vilivyowahi kutamba enzi hizo


Wazee Sugu wakipagawisha na kitambaa cheupeee... Ishara ya upendo


Mashabiki wakichizika kwa kibao cha Wazee Sugu, ‘kitambaa cheupe’
PICHA: RICHARD BUKOS /GPL