Global Publishers Tanzania- Uwazi » Articles for September 2009 Year

CHAMA cha Wananchi (CUF), leo kimefanya maandamano makubwa yenye lengo la kudai tume huru na ya haki ya chaguzi nchini. Maelfu ya wananchi, hususan wanachama wa CUF, walijitokeza kushiriki maandamano hayo ambayo yamelitikisa jiji la Dar es Salaam.
Maandamano hayo yalianzia Buguruni kupitia baraba za Uhuru, Bibi Titi, Lumumba na kuishia viwanja vya Kidongo Chekundu, Mtaa wa Lumumba ambapo Msajili wa Vyama vya Siasa nchini, John Tendwa, aliyapokea na kuyahutubia, sambamba na Mwenyekiti wa Taifa wa CUF, Profesa Ibrahimu Haruna Lipumba, Makamu Mwenyekiti, Juma Duni Haji na Katibu Mkuu, Self Sharif Hamad.
Polisi wakiwa katika mavazi maalum ya kutulizia ghasia pamoja na magari ya kumwaga maji ya kuwasha, maarufu kama ‘Vikojozi’, walitanda katika maeneo mbalimbali ya jiji ambamo maandamano hayo yalipita ili kuimarisha ulinzi.


Baadhi ya waandamaji wa CUF wakiwa eneo la Msimbazi Kariakoo.


Vikosi vya Polisi vikiimarisha ulinzi eneo la Mnazi Mmoja ambapo vurugu zilikuwa zinanukia baada ya waandamanaji kuwekewa kizuizi wasielekee eneo la Posta zilipo Ofisi za Msajili wa Vyama vya Siasa.


Magari ya kumwaga maji ya kuwasha (Vikojozi) yakiwa yamewekwa tayari eneo la Mnazi Mmoja kuthibiti ghasia zozote wakati wa maandamano hayo.


Moja ya mabango yaliyokuwa yamebebwa na waandamanaji hao.


Wafuasi wa CUF wakisikiliza kwa makini hotuba za viongozi wao.


Msajili wa Vyama vya Siasa nchini, John Tendwa (kulia), akiwa na Mwenyekiti wa CUF Taifa, Profesa Ibrahim Haruna Lipumba (katikati) na Maalim Self Hamad (kushoto )wakiwa katika mkutano wa chama hicho viwanja vya Kidongo Chekundu mara baada ya kupokea maandamano hayo.


Maalim Self (kushoto) akihutubia.


Profesa Lipumba akimkaribisha John Tendwa kuhutubia.


Tendwa akwaihutubia wafuasi wa CUF.


Kutoka kushoto ni Lipumba, Tendwa na Maalif Self wakiondoka katika viwanja hivyo baada ya mkutano kumalizika.


Mapaparazi wakiwa wameparamia mnara wa saa uliopo katika makutano ya barabara za Uhuru na Msimbazi ili kupata picha bora za maandamano hayo.


Mtoto wa wafuasi wa CUF akishiriki maandamano kwa kibaiskeli chake.
PICHA:CHRISTOPHER LISSA NA RICHARD BUKOS/GPL

Hatimaye serikali imesikia kilio cha wanafunzi wa shule za msingi na sekondari Kibasila jijini Dar es Salaam kwa kuagiza kuwekwa matuta katika barabara ya Mandela na Chang'ombe kwenye makutano ya barabara hizo jirani na kiwanda cha Bia cha Serengeti. Hali hiyo imekuja ikiwa ni siku moja baada ya wanafunzi wa shule hizo kukaa barabarani kwa saa tano wakiishinikiza serikali kuweka matuta baada ya wanafunzi watatu kugongwa kwa siku tofauti kutokana na mwendo kasi wa magari yanayotumia barabara hiyo kutozingatia usalama wao

Akizungumza na baadhi ya wanafunzi hao katika eneo la tukio leo, Mkuu wa Mkoa wa Dar es Salaam, William Lukuvi amesema kuwa, yeye binafis amesikitishwa na kitendo cha madereva ambao wasiojali usalama wa watu wanaotumia barabara hiyo hasa watembe kwa miguu na badala yake wao hutumia kama ni yao pekee. Mh. Lukuvi ameitaka sekta husika kuhakikisha wanaweka matuta kabla ya wiki hii kumalizika kinyume na hapo hatua za kisheria zitachukuliwa dhidi yao.

VIDEO NA: ISMAIL MANG'OLA/ GPL