Mke wa Balozi Andrew Mhando Daraja, Bi. Ana daraja, ambaye alifariki Machi 6 mwaka huu kwa kuchomwa kisu na mtu anayedaiwa kuwa Shamba Boy wao, leo amaegwa kwa ibada maalum iliyofanyika nyumbani kwa balozi, Kimara Temboni jijini Dar na kuhudhuriwa na Rais Jakaya Kikwete na viongozi wengine wa serikali. Marehemu amesafirishwa jioni hii kuelekea Tongwe, Wilaya ya Muheza Mkoani Tanga, ambako anatarajiwa kuzikwa kesho. Mtandao wako ulikuwepo kushuhudia na hizi ndizo taswira zake:


Rais Jakaya Mrisho Kikwete (kulia) akimfariji Balozi Mstaafu, Andrew Daraja kwenye msiba huo.


Mwenyekiti wa makampuni ya IPP, Bw. Reginald Mengi, (kulia) akimpa pole balozi Daraja.


Katibu Mkuu wa zamani wa Umoja wa Nchi za Afrika (AU) na Waziri Mkuu mstaafu, Mh. Salim Ahmed Salim, akisalimiana na Bw. Reginald Mengi (kulia), nyumbani kwa balozi mstaafu huko Kimara Temboni.


Balozi mpya wa Tanzania nchini Zimbabwe, Patric Tsere akisaini kitabu cha maombolezo nyumbani kwa Balozi huko Kimara Temboni leo mchana.


Mama Salma Kikwete akiondoka na mumewe baada ya kutoa pole kwa wafiwa.

PICHA: HARUNI SANCHAWA/GPL

Mkuu wa Mkoa wa Dar es Salaam, Mh. William Lukuvi, mchana huu, alitembelea jengo la ghorofa saba lililopo Mtaa wa Mafia na Swahili, Kariakoo jijini Dar, lililopigwa marufuku na Halimashauri ya jiji, kuendelea kujengwa kutokana na ujenzi duni unaotishia usalama wa wakazi wa enoe hilo. Mh. Lukuvi akiwa na Bodi ya wakandarasi wa Halmashauri ya jiji walilitembelea jengo hilo na kulikagua sehemu mbalimbali. Baada ya ukaguzi huo, nyumba zaidi ya tano zenye miradi mbalimbali ikiwemo Hoteli na maduka na wakazi wake walitakiwa kuhama mara moja kuepuka jengo hilo linalotishia kuanguka wakati wowote. Je, katika suala hili, nani wa kulaumiwa iwapo jengo hilo litaanguka na kuwadhuru wengine na pia gharama za kuhama na usumbufu wake kwa majirani, nani atazibeba? Ni baadhi ya maswali tata yakujiuliza katika kadhia hili..!


...hili ndilo Jengo linalotishia usalama


...Mh. lukuvi akishuka ghorofani baada ya kulikagua.


..Mh. Lukuvi (katikati) na ‘mainjinia’ wa Halmashauri ya jiji wakiziangalia nyumba za jirani na jengo hilo ambazo wamewapiga stop wakazi wake kuendelea kuzitumia.


...Nyumba hizi tatu za mbele zote wakazi wake wametakiwa kuhama mara moja.


...Umati wa watu ukilitazama jengo hilo.


Nyumba hii nayo wakazi wake wametakiwa kuhama mara moja.


mpaka jengo linafikia hatua hii, mamlaka husika zilikuwa wapi?

PICHA: Richard Bukos/GPL

Basi la kampuni ya Hood limegongana uso kwa uso na gari la mizigo (Canter) katika eneo la Kitonga katika barabara kati ya lringa na Morogoro juzi majira ya mchana, hakuna mtu aliyejeruhiwa wala kufa katika ajali hiyo.



Canter lililogongana na basi likiwa bondeni.

Baadhi ya abiria wa basi wakiliangalia gari hilo la mizigo likiwa bondeni.

Katika kuwatia moyo wa kufanyakazi, uongozi wa ASET umeamua kuwa unatoa zawadi kwa wafanyakazi bora wa mwezi kwa wanamuziki wa bendi ya African Stars. Utaratibu huo ulianza rasmi usiku wa kuamkia leo pale Club Bilicanas ambapo Mpiga Drum mmoja, mwimbaji mmoja na mnenguaji mmoja waliibuka kidedea na kujinyakulia zawadi....Asha Baraka amesema kuwa utaratibu kama huu utakuwa ni kila mwezi....mtandao wako nao ulikuwepo kunakiri matukio hayo na mengine kama ifutavyo:


Ankal Issa Michuzi akimzawadia Salehe Kupaza zawadi ya mfanyakazi bora wa mwezi kwa upande wa waimbaji wa bendi hiyo huku Da'Asha Baraka akishuhudia tukio hilolililojiri ndani ya Club Billicanas jijini Dar usiku wa kuamkia leo.


Nyota wa filamu bongo, Steve Kanumba The Great (kulia) akimkabidhi zawadi ya mfanyakazi bora wa mwezi wa Twanga Pepeta upande wa wanenguaji, Asha Said 'Sharapova', huku Da'Asha Baraka na MC wa shoo hiyo Richard 'Big Brothe'r wakishuhudia.


Meneja Mkuu na mwendeshaji wa mtandao wa Global Publishers Ltd, Abdallah Mrisho (kulia), akimkabidhi zawadi yake mpiga drums bora wa mwezi, James Kibosho, ambaye ni miongoni mwa vijana wadogo wa bendi hiyo. Kushoto anayeshuhudia ni Mkurugenzi wao, Asha Baraka


..Asha Baraka akiongea machache huku akisiklizwa kwa makini na Kanumba pamoja na Richard 'wa Big Brother,


Baada ya kutoonekana kwa muda mrefu, hatimaye jana Aisha Madinda (kulia) alipanda jukwaani katika onesho la Twanga Pepeta ndani ya Club Bilicanas usiku wa kuamkia leo.


Aisha Madinda...alikuwa kivutio cha mashabiki katika safu nzima ya wanenguaji wa Twanga ukumbini humo.

PICHA: Mussa Mateja/GPL