Msomaji! Je, utafurahia kiasi gani nikikuzawadia BLACKBERRY mpya kwa kunisoma tu kila siku? Hebu nijibu nami nikufahamishe nitakuzawadia vipi!
WEB MASTER

MTIKILA AJISALIMISHA KORTINI

Mwenyekiti wa Chama cha siasa cha Democratic Part (DP) Mchungaji Christopher Mtikila, leo amejisalimisha katika mahakama ya Hakimu Mkazi Kisutu Jijini Dar es Salaam, baada ya mahakama hiyo kuamuru akametwe kutokana na kutofika kusikiliza kesi yake jana.
Mtikila aliueleza mtandao wetu mahakamani hapo, kuwa alifika kwaajili ya kuwasilisha hati yake ya kuiomba radhi mahakama hiyo.Pichani Mtikila (mwenye tai) akiongea na baadhi ya mapaparazi mapema hii leo, baada ya kujisalimisha mahakamani hapo.

HATIMA YA OMBI LA MRAMBA KUSAFIRI NJE YA DAR KUSHUGHULIKIWA

Mahakama ya Hakimu mkazi Kisutu Jijini Da es Salaam, imesema kuwa inaendelea kushughulikia ombi la aliyekuwa Waziri wa Fedha Basil Pesambili Mramba la kusafiri nje ya mkoa wa Dar.
Hakimu anayesikiliza kesi ya matumizi mabaya ya ofisi na kulisababishia Taifa hasara ya zaidi ya Sh.Bilioni 11 inayowakabili Mramba na aliyekuwa Waziri wa Nishati na Madini Daniel Yona, pamoja na aliyekuwa Katibu Mkuu wizara hiyo Grey Mgonja, Hezron Mwankenja, ameuambia mtandao huu mapema hii leo kuwa suala hilo huenda likafafanuliwa vizuri Januari 7. Mramba aliiomba mahakama hiyo hivi karibuni ili iweze kumpa kibari cha kwenda kuwasalimia wapiga kura wake.

MATAA YA UMEME WA JUA KUANZA KUTUMIKA DAR

Jiji la Dar es Salaam huenda likaondokana na kero ya mataa ya kuongozea magari, kutokana na kuanza kufunga kwa mataa hayo yanayotumia nguvu za Jua.Mtandao huu umeshuhudia nguzo nyingi za mataa hayo, zikiwa zimeandaliwa kama inavyoonekana pichani katika makutano ya Barabara za Shekilango na Bagamoyo Jijini Dar.

SPORTS
KILIMANJARO STARS KUMENYANA NA WANDA KESHO

Baada ya kufufua matumaini yake katika michuano ya Kombe la Chalenji kwa kuilaza timu ya Taifa ya Zanzibar (Zanzibar Heroes) kwa mabao 2-1,timu ya Taifa ya Tanzania Bara (Kilimanjaro Stars) kesho inatarajia kushuka tena dimba la Nakivubo nchini Uganda, kukwaruzana na timu ya Taifa ya Rwanda.
Kilimanjaro Stars, wanaonolewa na Mbrazil Marcio Maximo, wanatarajia kushuka dimbani hilo wakitaka kupata pointi tatu muhimu, ili kuweza kujiweka katika mazingira mazuri ya kusonga mbele katika hatua ya nusu fainali.

KIBONZO

PICHA ZOTE NA CHRISTOPHE LISSA/GPL

Je, Miss Tanzania 2008, Nasreen Mohamed, anaweza kuwa na nafuu kwa upande wa skendo ukilinganisha na mamiss Tanzania wengine waliomtangulia?.. au hana tofauti? Tumuvuzishie maoni yako tafadhali...

Waziri wa Nishati na Madini, William Mganga Ngeleja (MB), amesema kuwa wizara yake imepata mafanikio makubwa katika kipindi cha kuanzia mwaka 2005-2008

Akizungumza na waandishi wa habari jijini Dar es Salaam, mapema hii leo, katika ukumbi wa wizara yake, Ngeleja alibainisha maeneo ambayo wizara hiyo imeweza kupata mafanikio makubwa kuwa ni pamoja na Sekta ya Nishati na Madini.

Ngeleja alisema kuwa, kwa mwaka 2007 sekta ya Nishati (selta ndogo ya umeme asilia) ilikua kwa asilimia 10.9 ikilinganishwa na asilimia 9.0 ya mwaka 2005.

"Mwaka 2007 umeme uliozalishwa ulikuwa ‘megawatt/hour’ (MWh) 4,204.62 ikilinganishwa na MWh 3,148.85 kwa mwaka 2005"alisema Ngeleja.

Aidha, waziri huyo alisema kuwa Sekta ya Madini ilikua kwa asilimia 16.1 mwaka 2005, asilimia 15.6 mwaka 2006 na asilimia 2.7 mwaka 2007.

"Mchango wa sekta ya madini kwenye pato la taifa uliongezeka kutoka asilimia 2.4 mwaka 2005 hadi asilimia 2.7 mwaka 2007"alibainisha Waziri huyo.


PICHA NA CHRISTOPHER LISSA NA RICHARD BUKOS/GPL

Kamera yetu mapema hii leo, katika maeneo ya Kariakoo Jijini Dar es Salaam, imewanasa watu hawa wakinunua sare za shule huku wengine wakiwapima watoto wao kama zita wafaa. Msimu wa kufungua shule umekaribia ambapo wazazi na walezi huwanunulia sare mpya watoto wao.

Taasisi ya kuzuia ulevi Afrika Mashariki I.O.G.T leo iliielimisha jamii juu ya madhara ya ulevi ambapo baadhi ya sababu zilizoorodheshwa ni pamoja na ajali mbalimbali, maambukizi na maradhi yasizuilika kwa urahisi, kuishiwa nguvu nk. vilevile taasisi hiyo imeelezea azma yake ya kufanya mkutano wa kutoa elimu hiyo kuanzia Jan 13 - 14 mjini Arusha.

Mteja (kushoto) akichagua mashati kutoka kwa mfanyabiashara (kulia) kama walivyonaswa na kamera yetu maeneo ya Bamaga, jijini Dar es Salaam. Ukosefu wa wateja katika maeneo maalum ya kuuzia nguo unasababisha wafanyabiashara wengi kuamua kutembeza nguo hizo mitaani.

Wamiliki wa vituo ya mafuta jijini Dar es Salaam, wanaonekana kuligomea agizo la Serikali la kuwataka kupunguza bei ya mafuta kuanzia hii leo.

Uchunguzi uliofanywa na mtandao huu umebaini vituo vingi vimeendelea kuuza mafuta kwa kati ya Sh. 1350 hadi Sh.1600 tofauti na agizo (EWURA) kutaka vituo hiyo kuuza mafuta hayo kwa sh.1200.